Badminton ah Zotlang an thiam ber

25^th November, 2017

3rd Hrangbana Memorial Mizoram Badminton League khelh zawh takah Zotlang Rockets leh Southern Acers Siaha ten Final khelin Zotlang Rockets ten 3-1 in Champion nomawi an chawi ta.

Ni 24.11.17 zana Electric YMA Hall-a khelh zawh takah hian Pool A lam champion leh hneh loh nei lo Zotlang Rockets leh Pool B lama champion leh hnehloh la tawng bik lo Southern Acers Siaha ten Final an khel a, Sequence ah hian U19, MS1, MS2, MD leh XD te niin XD erawh khelh ngai lovin Zotlang lam hian 3-1 in chakna an chang.

Match hmasaber khelh niin Zotlang an an chhuanvawr Kiran B a rawn lut a, Siaha lam pawh in mizo rawlthar leh tunhnaia Junior lama MBA thununtu Lalnunhlua a rawn lut ve bawk a. Game tan a ni a, game a hmuhnawm a, khel chhia tia sawi tur an awm lo, game hmasa tir lamah an in beinasa viau a, Mizo player zawk erawg fitness ah a hniam zawk tih a hriat theih. Game hmahruai ah Kiran B in la in, game hnungzawkah pawh Nunhlua a chau a, Kiran tho in game a thunun a, 15-12 & 15-7 a chakin Zotlang tan point a rawn thawkchhuak nghal.

Mens Singles 1 khelh chhunzawm a ni a, Zotlang lamin Mixed lama an chhuantawlawl R. Lalbiaksanga (BSa) rawn dahi Coach in risk a la tih loh theih a ni lo. Siaha lamin Lalhlimpuia an rawn dah ve bawk a, game tan tirh lamah BSa a che buai deuh a, Puipuia game erawh a tha, 15-11 in game a rawn la, Siaha lam an phur thar. Game chhunzawm a ni a, player senior BSa’na senior na leh wrist-work thatna a rawn hmang, game hmasaa a tlakhniamna backhand lama Puipuia ball rawn vawrh chu tha takin a return thei ta zel, game ah a rawn chungnung zawk a, 15-11 vekin game a rawn la ve leh. Final game khelh a ni a, Puipuia duh angin a che thei tawh lo, BSa erawh skills leh fitness ah a tha a, a senior nain a pui bawk a, game a thunun zawk, game a zawh meuh chuan 15-10 a chakna changin Zotlang tan point a rawn thawkchhuak leh bawk.

Mens Singles 2 khelh chhunzawm leh a ni a, Zotlang lamin singles vawi 9 khelh tawha chakna la chang vek Kiran B chu a vawi 10 nan an rawn luh tir. Siaha lamin game khelh zawng zawnga la chak vek leh Singles vawi 3 a khelh tawh a chakna la chang vek Akshit Mahajan an rawn dah ve bawk. An ni hi BAI lama chetla ve ve an ni a, an category erawh a in ang lo. Kiran hi Junior lam niin Mahajan erawg Senior a ni thung. Game tir atangin an game a tang tha a, smash a tam a, an in nawr na hle bawk. Mahajan game a chak a, smash a ngah hle a, tihsual nei tho mahse point erawh a thawhchhuah phah nasa a, Kiran hin game a pawt dul hlei thei lo a, Mahajan in game a thunun in a game ah a hruailut zawk zel tih theih a ni. Game a zawh meuh chuan 15-13 & 15-12 in Siaha point 1 na turin Mahajan a rawn chak ve thung.

Mens Doubles khelh chhunzawm niin Zotlang lamah an MD partner tha leh khawih danglam nga. loh BSa leh OPa an rawn lut a, Siaha tan M. Joseph leh Jimmy an rawn lut ve bawk. Game hmahruaiah Siaha lam partner in game an thunun a, a nawr na in an net bawh a cham a, smash chance an hlauh meuh lo, Zotlang lam erawh an talbuai a, tihsual an neih phah nual, game hmahruai chu 15-9 in Siaha lamin an la. Game khelh chhunzawm a ni a, Zotlang lam partner an rawn insiam tha a, an partnership neih that tawh thin chu rawn tarlang leh. An in kawp tha a, an in veng tha in defence ah an tha zawk bawk a, smash thla vek lo mahse, an in second tha zawk bawk. Siaha lam partner erawh game laihawl atangin an game a buai a, nawr turin ball in siam hlei thei lo a, opponent lam lahin game an pawt muang a, Siaha lam game a fuh hlei thei tawh lo. Final game khelh a ni a, Siaha lam in siam tha viau mahse, partnership lo nei tha tawh zawk leh senior dun zawk Zotlang lamin game an thunun zawk a, Game a zawh meuh chuan 9-15, 15-7 & 15-12 in Zotlang Roclets ten MBL Champion ni turin chakna an rawn chang ta a ni

Zotlang lam Coach a fakawm, game a ni a, risk lak a ngai a, a game set danah Mixed lamah chakna chan a in beisei lo nge, XD specialist BSa pawt chhuakin a dang ah a chhawr, Mixed hi a hnung ber a ni a, deciding factor atan hmang se Siaha lam an chan a tha tih hre reng mahse inring tawk takin player a rawn siksawi na chuan Zotlang Rockets te a champion pui a ni.

Final Tie ah hian Match 2 chak leh Zotlang tana thawhhlawk tak R. Lalbiaksanga chu Player of the Tie atana thlan a ni a, Mizo Shuttlers zinga match 8 khela vawi 6 chakna chang thei BSa vek hi Player of the League ah thlan a ni bawk. MBA Junior player zinga khel tha leh beisei aia sanga game lian rawn hmachhawn, Match 4 khela chak vek Lalvenhimi, Southern Acers Siaha chu Most Promising Player atan thlan a ni bawk.