MBL III – 2nd Semi Final Review

23^rd November, 2017

Hrangbana Memorial 3rd Mizoram Badminton League chuan a vawrtawp a thleng dawn hnai ta, Semi Final hnung zawkah Tuikual Shuttlers leh Southern Acers Siaha te inkhelin Siaha lamim 3-0 a hnehna changin Final ah Zotlang Rockets an hmachhawn dawn.

Semi Final hnung zawk khelh ah hian Match hmahruaiah MS1 a bul tan niin Tuikual lamin state pawn players dah lovin Samua an rawn dah a, an tum ang a ni chek ang chu Siaha lamin Puipuia an rawn dah ve bawk. Tuikual lam chance a tha zawk tura ngaih theih a nih laiin game khelh a ni a, Samua game a fuh theih loh bakah a chau tih hai rual a ni lo. First game 15-14 in la hram mahse, second game ah a tlahniam zawk a, Puipuian 15-10 in a rawn la ve thung. Final game khelh a ni a, Samua game a chhe tual tual tih loh theih loh a ni a, chutih laiin Puipuia game pawhin confidence nena khel tih theihin a game a tha a, 15-9 in Siaha point hmahruai ni turin Puipuian chakna a chang. Samua game a tha lo a, a chau em em bawk a, chu erawhin chhan a nei. Chhun lamah an hnathawhna lamah sport neiin game a lo khel nual tawh a, chu chuan a game a ti chhia in a hah tih a hriat viau a, mahse, opponent te tan erawh advantage a ni ngei mai, chhuan lam a awm thei lo a, chak zawk point hmuh a ni miau si a. He game hi a hmuhnawm a, chakna changtu Lalhlimpuia a khel tha a, Player of the Tie atan thlan a ni bawk.

Match chhunzawm niin Mixed Doubles khelh leh a ni a, Siaha lamin an Mixed partner tha leh chakna la chang char char Mahajan leh Tetei an rawn chhuah a, Tuikual lam erawhin Mixed lamah chak ni hmel la hmu lo mahse chak in beiseiin Zamzai pui turin an State pawn player Prajapati an rawn dah. Game tan a ni a, Siaha partner lamin game a thunun tih theih a ni a, Tetei a che tha leh a, net a veng tha a, a partner Mahajan a second tha hle bawk. Game hmahruai a zawh meuh chuan 15-8 in Siaha lamin chakna an chang. Game chhunzawm niin Tuikual lam an rawn insiam tha a, game ah chungnung zawk sawi tur an awm lo, partner second ah erawh Siaha lam an la tha zawk tih theih a ni. Point a in thlau lo a, game la zawk tur sawi theih loh khawpin an in hmaih a, game tawp dawn thlengin hmahruaitu bik an awm lo a, 14-14 a ni a, Siaha tan Match Point a nih laiin Tuikual tan game point a ni thung. Point pawimawh lutuk in chuh laiin Zamzami’n service miss avangin Siaha lam tan chakna a thlen ta. Vanneih vang a tih theih rualin, Zamzami service Mahajan in a nawr thlak hnem em avanga pressure vang pawh a tih theih ang chu. Siaha lamin 2-0 in hma an hruai ta.

Mens Singles 2 khelh chhunzawm niin Siaha tan Mahajan a rawn lut leh nghal, Tuikual lam erawhin MS1 ah Samua an chhawr tawh avangin a dang tha an chhawr thei tawh lo a, Atluanga an rawn hmang thung. Game khelh a ni a, Mahajan in game khel zawn mahse, a game a tha in experience a neih tamna a chhawr tangkai a, an game khelh dan thlak kual viau mahse eng game ah pawh a chungnung zawk a ni zel a, game a zawg meuh chuan Mahajan in15-8 & 15-5 a chakna changin Siaha Team te Final a luh pui ta a ni.

Final hi dt. 24.11.14 (Friday) ah khelh tur a ni dawn a, Zonet Pvt. Ltd. kaltlangin Zonet Zawlbuk ah LIVE a pehchhuah a ni dawn a ni. Electric YMA Hall ah khelh leh tur a ni dawn a, 7:30PM ah Closing Function hman a ni ang a, hetah hian Khuallian atan Pu R. Lalzirliana, Hon’ble Home Minister & Patron, MBA a ni ang. Closing hman zawh dar 8:00 PM hian Final Match hmuhnawm tak MBL-a vawikhat khelhna ve ve Southern Acers Siaha leh Zotlang Rockets ten an khel ang. He inkhel hmuhnawm tak tur hi a hmunah rawn en ve la, Entry Ticket Rs 50 chauhin i lei a nga, i Ticket hmangin Racket Bag tha tak mai i man thei bawk a ang.