MBL III – First Semi Final Report

21^st November, 2017

Zanin Dt. 21.11.17 dar 8 khan MBL III First Semi Final chu Pool A Champion Zotlang Rockets leh Pool B lam Runners Up Mission Veng ten khelin Zotlang in 3-0 in chakna an chang.

Semi Final hmasazawk khelh ah hian Mixed Doubles hmangin Match tan a ni a, Zotlang lamin an chhuan tawlawl BSa leh Hriati an rawn thawh chhuak leh a, Mission Veng lamin Lalmama rawn dahin tanpuitu turin Junior player Hlutei an rawn dah bawk. Game tan a nih atangin chungnung zawk awm lovin game a kal a, tumah khel chhia a khel tha tia sawi tur an awm lo, Mission Veng lamah erawh Hlutei defence lamah an chhawr loh avangin point an hloh nual thung, game hmahruaiah vanneih vang tih loh theih lohin Zotlang lamin 15-14 in chakna an chang a, game hnihna khelh leh niin Mission Veng lam game a tha zawk emaw tih turin an rawn in siam a, point inthlau awm lovin an in um char char, game a zawh meuh chuan Zotlang lamin 15-14 tho a chakna changin Point khat an rawn thawk chhuak.

Match khelh chhunzawm niin Mens Singles 2 khelh niin Zotlang lamin Kiran B an rawn chhawr a, Mission Veng lamin Zarkima an rawn dah thung. Game a hmuhnawm a, Zarkima ball vawrh erawg Kiran atan chance a tam hle a, Kiran in a hight tha chu advantage ah a hmang fo bawk. Kiran B in game a thunun zawk a tih loh theih loh, first game ah 15-9 in Zotlang an chak a, game hnung zawk ah Zarkima rawn in siamtha viau mahse Kiran B in game ah chakna a la zawk a, straight set atan 15-10 in a rawn la leh.

Match 3-na khelh leh niin Junior Boys Singles khelh leh a ni a, Kiran a rawn lang leh, Mission Vengin Sawma an rawn dah thung. Kiran game hmasa khel tawh mahse, a fitness a tha a, game ah a chungnung zawk zel a, 15-4 & 15-7 a Match rawn la lehin Zotlang tan 3-0 a chakna a rawn thawh chhuah bakah Final an luh phah ta. Zotlang tana point 2 thawk chhuak tu Kiran B chu Player of the Tie a tan thlan a ni bawk. Zanin Sequence bikah Zotlang tan malsawmna a tih loh theih loh, Team khawngna hlir a hmasa pathumah a awm a, confidence nei takin game an khel a, an game pawh a hmuhnawm in en a nuam hle bawk.

Dt. 22.11.17 hian Semi Final hnung zawk khelh leh a ni dawn a, Pool B Champion Southern Acers Siaha leh Tuikual Shuttlers ten an rawn khel leh a nga, Match Sequence ah – MS1, XD, MS2, U19BS leh MD te hmang in an khel dawn a ni.