MBL Inbuatsaihna kal zel
11th October, 2017
Hrangbana Memorial 3rd Mizoram Badminton League inbuatsaihna chu chak taka kalpui mek a ni a. Hemi atan hian ni 10.10.2017 khan Organising Committee thukhawmin hmalak tawhnate thlir letna leh hmalak zelna tur hrang hrang an rel.
3rd MBL hi R. Denthuama Hall-ah khelh tur niin tel tur Team pawh tihfel tawh a ni a. Team hrang hrang pariat – 1. Champhai Ralte Villa BC 2. Hlimen Smashers 3. Southern Acers Saiha 4. Tuikual Shuttlers 5. Mission Veng 6. Kanan 7. Zotlang leh 8. Chanmari Evening Stars ten inelna an nei dawn a ni.
Inelna turah hian heng Team 8 te hi Pool 2(hnih) ah then tur a ni ang a, Pool League khelh a ni ang a, Pool Champion leh Runners Up-ten Semi Final an khel ang. Tie khelh dantur Schedule pawh siamfel nghal a niin hetiang hian Tie khelh tur a ni ang.
Dt. 13.11.17 – 2 Ties
Dt. 14.11.17 – 2 Ties
Dt. 15.11.17 – 1 Tie
Dt. 16.11.17 – 2 Ties
Dt. 17.11.17 – 2 Ties
Dt. 18.11.17 – 1 Tie
Dt. 20.11.17 – 2 Ties
Dt. 21.11.17 – 1 Tie (Semi Final)
Dt. 22.11.17 – 1 Tie (Semi Final)
Dt. 24.11.17 – 1 Tie (Final)
Ni khata Tie 2(hnih) awm ah hian Tie hmasa hi 4:00 PM ah khelh a ni ang a, Tie hnuhnung zawk hi 8:00 PM khelh a ni ang. Zan khata Tie khat chauh awmah erawh 8:00 PM ah Tie khelh a ni thung ang. Tie tinah hian Player of the Tie thlan tur a ni ang a, Player of the Tie hian sponsor hnen atangin thilpek a dawng thin ang.
MBL inbuatsaihna leh hmachhawp bakah tul dangte puanzarna ni pahfawmin Dt. 12.10.17 hian Zonet Studio-ah MBL chungchanga Talk Show neih tur a ni dawn a, hetah hian MBL Organising bakah Sponsors leh Media partner-te bakah Team neihtuten inkawm hona an nei dawn a ni.